January ni 1, 2014-a ka post bak kha ka la post leh miah lo va. Ka khua lam lam a har riau nia. Ka’n rawn ti leh hram ang e aw.

Mizoram leiba chêng vbc. 5,455.95 a nih thu leh mi pakhatin chêng 50,008.06 theuh ba kan neih thu kan sawi zing ta hle mai. Bat neih duh lo leh nei ngai lo tia inchhâl mi fel tak takte pawh khân ba in lo nei reng zuk nia! Heti chung hian eng dang dâwn lovin kan la nui bâwk bâwk thei chu a ni si a le!

Vaibelchhe bi bat nei chungin minister leh parliamentary secretary-te hman tûr lirthei lei nân Rs. 3,41,50,000 an ruahman mai pawh ni lovin an chah thleng tawh zâwk lo maw? Thukhawchâng pakhat “Bumna ngaiah hmeichhia chu vawi sarih an bum nawn theih” tih thu hi in lo hre theuh tawhin a rinawm. Tûna kan dinhmunah hi chuan Mizoram mipuite hian hmeichhia pawh kan tluk lo tihna a ni.

Kan duh tak kan thlang chhuak tê têa an thiltih kan sawisêl leh vak vak a. Khawiah nge kan duhna kan tihlanna chu? Heti ang hi an ni tih hmân hmânah kan hre tawh a, an thiltih tam tak kan hmu a, ram tân hmasâwnna paw chhuak tak tak si lovin an thên an thên tih ka hria. Hmangaih tûr dik ‘Zoram’ hmangaih lovin anmahni an inhmangaih a, ram aiin lainate tânghma an hai zâwk a, ram aiin party worker-te an ngai pawimawh zâwk a, ram aiin thenawm khawvêngte an ngaihsak zâwk a, ram aiin an lîrthei an duat zâwk a, ram aiin an zawhte pawh an châwm thau zâwk asin.

Bumna ngaia bum nawn mai mai theih nutling leh patling kan lêng suau suau chu a nih hi maw. Mipuiten kan tuar a, kan rûm a, kan tap a, anni erawh sofa dûp nuam taka thuin eng eng uain emaw tawng nuam tâwkin an lem khawlh khawlh maithei asin. Kan duh tak kan thlang tling a, kan duhna chu sêl rual lohvin vote hmangin kan lantîr a, a hnu lama sawisêl leh chiam hi a hmeichhe thu lutuk. Mipa takin kan tuar tûr a ni a, huaisen takin kan hmachhawn ngam tûr a ni.

Duh ila, duh suh ila ‘Amen’ kan pêk a ngai tho tho. Tûnah chuan kan nghah rih a ngai, mi fel tawng thei lo kan nih hlawm hi. Kum nga hnuah chauh tawng thei dinhmunah kan ding rih. Nang leh kei hian sawi ve tûr kan nei lo. Kei phei chuan ‘trîk’ pawh ka ti ngam lo. Nang pawh i lo sawi ve tûr a awm lo.

Mega Events: Inside the FIFA World Cup, Michigan State University buatsaih online course a free in a zawm theih e. Nula rimna ah World Cup chanchin sawi tur i hriat vak loh phei chuan a tih chi viau ang:)

Module 1 summary:

FIFA

• FIFA – Fédération Internationale de Football Association
• Registered charity based in Zurich
• 209 associations as members, more than there are countries in the United Nations.  Some countries, such as the United Kingdom, have three soccer associations (England, Scotland, and Wales)

FIFA Finances

• FIFA earns revenue from broadcast rights, marketing and the World Cup, with revenue of US$4.5 billion expected from the four year 2014 World Cup cycle
• FIFA spends money on its own operations and governance of the global soccer system, as well as providing resources to national associations and the development of the game
• In 2013, FIFA had reserves of US$1.4 billion

Brazil 2014

• Brazil is hosting the 20th World Cup, spending over US$11 billion in preparation for the event
• Unlike the Olympics, which has one host city, the World Cup is hosted by a country with games scheduled across the country
• Brazil will be holding games in 12 cities, and has needed to prepare each city to host a part of this mega event
• The primary venue in each city is a stadium with capacity of 40,000 spectators for preliminary games and at least 60,000 to 80,000 people for a World Cup final

Controversy

• Brazil is a country passionate about soccer, but the initial support for the World Cup has been eroded by high costs, limited legacies and allegations of corruption
• The remaking of cities as part of the mega event process has also included the undoing of low income communities in Brazilian host cities
• Corruption is related to opaque processes, unique construction,  and the event imperative that is used to clear any opposition

1.8.2011:
Hmanni a naupang kum 11 mi inawhhlum thu post kha ka ngaihtuahna ah a awm reng mai a, comment ah pawh ka ngaihdan chu ka sawi tawh kha. Khatia an thi ta kha  Mizoten thihna kan sawngbawl dan, kan ngaihpawimawh dan leh mizo tlawmngaihna laimu chu thihna leh a chhehvel a kan lanchhuahtir tumdan te ka ngaihtuah a, thil hi a sawt tawhloh leh a pawihnu hian kan va han buaipui nasa thin tak em. A hun lai leh a sawt lai a thlahthlam si, a tlai hnu a khawtlang kan buai leh dan te hi  in beh thuak teh ang u.

A hunlai in Vanapa te leh Taitesena ten an khua, in 200 awrh khawtlang nun atan a tha tawk, an sakhaw rindan nen pawh a inmil thlap a thihna leh khawtlang an lo tuahrem kha tunlai ah hian engatinge kan khawtlang mil tur leh kha aia tha zawk a kan la kalpui ngam loh?

Khang hunlai kha chuan an khawtlang kha agrarian society hlang hlak a ni a, sawrkar hna, private company, sumdawnna leh hunbi hnuai a kun ngai zirna in te pawh a la awm lo. Khawkhat kha an inhre tawn vek a, chhungkaw lianpui ang mai in a thlum a al eiza an la ni tak meuh meuh bawk. An sakhaw rindan leh thihnu khawvel an rindan pawh anla puithu in hlauh a pui an la ngah em em bawk. A dang pawh a tam mai, duh tawk mai ila.

Chutiang nun ah chuan thihna kha chhungkaw pakhat a thilthleng ang tak tak a la ni a, an inlawm tawn a, an tlaivar a, an inriahpui a, awm ni an kham a, zan khat mai ni lo, zan 7 thleng in khawtlang in an invenpui a, a tawp ah chuan tlangval 2/1 phei chuan an riak hlen deuh chawk thin a nih kha.

Tun ah erawh chuan kan khawtlang chu hemi letling deh thawk hi a ni tawh a (thingtlang khaw tereuh te te huam lo in), enga tinge hmanlai hun a tha ber kha tun a la tunnun kan tum tlat tak le?

V.L. Ngaihmawia

Hmasâng hun kan thlir chuan mite chuan vân chanchin te hriat tumin an thlir a, an zir ve ṭhin a, mahse hun a liam zêl angin mihringte hi kan lo fingin kan lo changkâng chho tial tial a, hmanrua pawh chi hrang hrang kan lo nei changkâng chho ta zêl a. Adama hun lai leh tun kum 2014 lek phei chu a inthlauin mihringte hmasâwnna chuan Pathian finna a tluk ṭêp tawh emaw a tih theih rum rum hial awm e. Hman lai mite chuan ni leh a vela arsi inher vêl khian kan awmna lei (Khawvel) hi an hel mup mup nia hriatna an nei ṭhin a, tunah erawh chuan khawvêl mihring zawng zawng tih theih mai turin a lian ber aṭanga a te ber thlengin ni leh a vêla arsi inherte chanchin dik zawk hriain ni khi a vela awmte (kan awmna lei tiamin) chuan an hel mup mup a ni tih kan lo hriain kan lo awih vek ta.

 “Kum zabi 18-naa Latin Krismas hla lar tak, F. Oakeley (1802-80)-in, “O Come, All Ye Faithful” tia a lehlin, Sap Upa_in Mizo Ṭawnga a dah chhawn leh sawiselna article hi, Zofate zinga duhtuina chi kui ṭiaktu J.F. Laldailova’n Feb. 24, 1979-a Tlangnuama a ziah a ni a. Khawi chanchinbu maha la chhuah loh nia hriat a ni. He article-a a thil sawi ṭhenkhat hi chu tihdanglam a ni nual tawh a, entir nan, “Mi ring zawng zawngte u”, tih chu “Ringtu zawng zwngte u”, tia thlak a ni tawh a, “Vantirhkoh mite u,”tih chu, “Vantirhkohho te u”, tia thlak a ni tawh bawk. Tin, tuna a manuscript kan hmuh hi mi copy chhawn leh a nih nual hlawm avangin a awmzia kan hriat loh thil a awm nual a, chungte chu a ṭhen kan paih a, a ṭhen kan siam rem a ni. He article aṭang hian hlawkna kan châwk chhuah beiseiin kan rawn chuah a ni. “(Hetiang hian Mafaa Hauhnar chuan kum 1996, December thla chhuak Sabereka Khuangkaih chanchinbu-ah khan thu a lo kam keu a ni).

Kum 1848 vel kha a ni awm e, chanchinbu pakhatah hian Japan nula lem hi a chuang a; chu nula chu a men so mai a. A thu ka han chhiar chuan, chu nula chu communist pawla mi hi a lo ni a; an Japan hnamina pathian biaka an biak ṭhin an Emperor (Hirohoto) a sawisel mek lai thlalak hi a ni a. Kan piangsual emaw piangsual lo emaw, kan pianna mual a lo ṭha emaw, michhe chhungkuaa piang kan lo ni emaw, communist thurin anga in-angkhat tlânga piang nia ka lo inhriat laia pathian biaka Hirohito te ang lo biak mai chu a tunlai thawmhnaw lo viau reng ang.

Sêntêt aṭanga sakhaw rin taka lo rin tawh thil reng reng han sawi bawrhbân mai chu, tu nu, tu pa mah hian tawrh nuam zân chu kan ti lo reng ang (kan Zosapte anga tuar/ tawrh, zuar/ zawrh, nuar/nawrh inhmanthlakna la hre hrang lote chuan, “tawrh nuam zan” kan han tih pawh hi Duhian ṭawnga subjunctive mood dan bawhchhiaa “tuar nuam zan” tih zawk tur emaw an ti hman ngei ang. Bazar kai nute’na, “Ṭhiani, engnge I zuar?”an tih deuh vek tawh hi).

Mizorama piang Mizo hnahthlak, lungfing tham tawh zinga “U AMA” hla ngainat nachang la hre lo hi chu, pian nawn leh pawh awm ta se, a ngaihtuahawm pawl an ni ang. “U AMA”  hi Krismas hming nen hiala kan lo ngaihpawlh zawh tawh avang hian, ”U Ama” hla sawiseltu chu Krismas hla sawiseltu tluk hialah a ngaih theih tawh ang. Mahni chan thil dahin Krismas hi chu mahni ta bil liau liau anga lo ngai mi ka lo ni bawk si nen, tuna “U Ama” hla sawisel ka han tum ringawt hi chu kan Japan Emperor sawiseltu nula ang maia men pah ṭuau mai a awl dawn awm e.  Miina, “Eng hi nge I ngainat ber?” min han tih hi chuan, “Krismas”, ka ti ṭhin a Kum sawmli ka pelh hnu hi chuan, “Krismas leh Mizo nun”, ka ti ṭhin. Mahse, kan “U Ama” hla hi ka han sawisel tlat teh ang.

A ṭan nan, “Mi, ring zawng zawngte u”, an han ti phawt mai a. Duhlian ṭawng chu sawi loh, kan tunlai Mizo ṭawng pawh hi a han ni ta lo phawt mai a. Pu C.Z. Huala nena puipunna hmuna kan inhnial fiamnaah kan  Bible-a adjective form-a “Mi a” an thluksei ziah thu hi ka han sawisel a. Pu C.Z. Huala chuan , “ ‘Mi a’ tih tur hi, ‘Mi, etc’ tihna tur anga an chhiarsual palh hlauvin thlûksei chhinchhiahna an dah a ni ang chu”, a han ti thla rawk a, kan Bible min buatsaihsaktu Pu Buanga leh Zosap dangte Mizo ṭawng hnû a nih a hai bik chu ka ring chiah lo. Hetiang thu han chheh dawn hian, “Mi” an han tihmasa vûng phawt a, a sawifiah nan adjective phrase leh clause sei pui pui an han dah zawm tawh mai a, “Mi” hi Comma (,) pakhat an han ventir tawh phawt chuan an lungawi der mai ṭhin a nih hi. Mizo ṭawng ulh a nih dawn leh dawn loh an thlu zui tawh lo reng reng. Kan Mizo lehkhathiamte hi, “O Come, all ye faithful”, tih ṭawngkam hi han lehlintir ila chu,”Mi ring zawng zawngte u” tia letling duh pakhat mah an awm ka ring lo. “Ringtu zawng zawngte u” tia an ṭan deuh vek a rinawm. “Come”hi “Lo kal rawh (u)” tihna chu a ni na meuh mai. Mahse, Bethlehem hmunṭhû leh hmunnghâk ni si lo tan chuan, a Sap ṭawnga a tum ang zawk hian, “I kal ang u”, tih a dik zawk ang.

“Râl kâp anga kalin, Pathian mite u,” te kan ti a, “Pathian mi” tih chu lo awm na ngai, “Vantirhkohte u” tih te pawh a awm na ngai, “Vantirhkoh mite u” tih te chu Kachari Mizo ṭawng aia a awzia loh zawkna reng reng ka hre lo. “Angel mite u”, “Ramhuai mi te u”, “Mihring mi te u”, etc. Syllable ruk vuak bikim siam nan ṭawngkam dik zawk a awm lo vem ni? A Sap hla anga “Vân” tih nana thlûksei dah phei chuan Syllable nga pawh a tâwk ve mai ṭhin. Mizo hian transitive verb (object nei) leh intransitive verb (object nei lo) kan nei hrang ve dim diam a; kan Zosap-hovina min lo hriat hransak thei hlek lo mai hi eng nge a chhan ni ang aw? Ka ti ṭhin.  Kan Bible leh Kristian Hla Bu-ah te hian hmun za engzatah nge transitive verb hi intransitive verb anga min hmansak le? “A sawi lai mek chuan” tih te, “Lalpa chuan a lamlêt a”, tih te, “Chutichuan, ngaihven rawh u”, tih te, “Ka chhuang reng tur a ni”, tih te, “Ring takin zai rawh u”, tih tur a, “Ring takin sa rawh u”, tih te. Mizo zingah ngei pawh intransitive verb “zai” hi transitive verb “sa” aiah a leh alinga hmang an awm nia.

“Vana mi zawng zawngte khian lo hriat turin” tih te hi subjunctive mood an tih ang dan bawhchhiatna ṭawngkam a nih hi. “Khian….hriat turin”, “Bangalore-a kan awm laiin Pastor hna zir laiin duh tawkin kan lo kawm ve tawh avangin”, “Thisenin min silfai vangin”, “Dawrpuia I kal dawn chuan” tih aia, “dawrpuiah i kal dawn chuan…”, “Hril kimin a awm hma loh chuan” tih te, subordinate phrase leh clause mai si a sentence-a clause pui ziding ber anga hman nghalna engzatah nge in hmuh lo chhinchhiah fiam ve mah teh u. “Aw Lal Isu, I Hming lo zahawm fo rawh se”. Neihkima hla sa chuan, “Hmana kan sûl I hnu…..u te kha”, a ti a, “I hming lo zahawm fo….awm rawh se”, a ti bawk a. Kan Bible leh Kristian Hla Bu-a dan dik lova “fo” hi chu a zat chhiar theih thilah chuah an hmang ṭhin a. Zosapho zara “reng”(always- Pu Buanga sawi) sawi nana kan hman taka leiah chatuana fak “reng fo” thute pawh kan sawi ta fo mai.

Tu ziakah nge maw, “thlanah a zal reng fo” tih ka hmuh kha le aw? Khawvela ṭawng mawi ber pawla uanpui theih tur kan Mizo ṭawng hi kan tikhawngaihthlak sawt ta em mai! Pu H. Thangkhuma hnena ka lehkhathawna ka fiamthuna lovin, Kristian hla thu-ah lek phei chuan, “Tichuan” aiah “Chutin” kan tihin emaw, hmun khat emaw tala Mizo grammar kan bawhchhia hi chu a zahawm zo lo deuh niin ka hre ta a ang viau mai.

-J.F Laldailova

 Submit-tu hian thu lakna hi dah si lova, a pawi lem lovang chu, chhuah phawt mai ang.

“A pawimawh ber chu hei hi a ni,
Kan ngaihhluta kan thiam ngai,
Nakin huna kan awmdan tur hriltu tur,
Tun hun hi.” – Vincy Chhangte

Hun leh tufawnin tumah a nghak lo. Saptawng chuan Time and tide waits for none tia kan hriat lar hian a sawi tum ber chu – mihring tumah hi hun kallai chelh ding tur khawpa ropui leh chak an awm lo – tih hi a ni. Hun hi mihring rohlu ber te zinga mi a ni. Thenkhat chuan hun hi nunna tluk hiala hlu a ni, an ti thin. Enge nunna chu? Boruak thawk luha thawk chhuah leh ringawt hi nunna a tling em? Engtinnge hun chu kan sawifiah tak ang le? Nobel Prize dawngtu German thawnthu ziaktu Thomas Mann chuan a thawnthu The Magic Mountain ah chuan heti hian a ziak: “Hun kan tih hi enge ni le? Hun chu thuruk a ni – khawih theih leh hmuh theih loh, mahse thil ropui ber a ni si,” tiin.

“Hun a ral thin, in ti maw? Teuh lo mai! Hun hi a awm reng, hringfate hi kan ral thin zawk a ni,” tiin Austin Dobson chuan a lo sawi ve thung bawk. English poem pakhat The Brook ah chuan lui te tuiluang chuan heti hian a auchhuak a: “Mite an lokal a, an liam leh thin, kei erawh chu ka luan pangngaiin ka luang reng a ni,” tiin. Mahse, he lui te tuiluangah hian tui pangngai a luang nawn leh ngai tawh lo ang bawkin hun hi a ral tawh chuan kha hun pangngai vek kha kohkir leh theih a ni tawh ngai lo. Eng anga nasa pawhin miin bei mah se, hun liam tawh kohkir leh hi mihring theihna piahlam a nih miau avangin hun ral tawh hi nawt reha ziak tha leh thei tumah an awm lo.

Hun hian mitha leh michhia a thliar lo. Mi hausain tan hun a kalmuang bik lo ang bawkin mi rethei tan hun a kalchak bik chuang hek lo. Darkar khat hi lal leh a chhiahhlawh tan inang rengin minute 60 a ni mai. Mi zawng zawng hi hun thuhnuaiah kan kun vek a. Kan tih theih sang ber chu tun hun zel hi fing tak leh a hlawk theih ang bera kan hman hi a ni.

Khawtlang siamtha tur leh chhungkua, kohhran, mimal nun siamtha tur hian eng hun nge pawimawh ber? TUN hi a ni. Mahse, chumi hlenchhuak tur leh chutiang thil sualchhuak tura pawimawh berhun hi kan bawhpelh fo a ni. Mahni sahimna hmun atangin mite kan thlir a, kan sawisel a, kan teh a, kan teh tling lo fo. A kotlang atangin miin goal a thun ngai lo. Khelmual luhchilh a, nasa taka beia tlan thian hian a ni goal thun a, chawimawina nopui chawi thin chu ni!

Hun a ral a, hun bi thar a lo thlen zellai hian eng rahbi nge kan rah leh dawn? TUN HUN neitute KEINI hian chu zawhna chu a practical in i chhang ang u. Henry Wadsworth Longfellow chuan heti hian a lo ti a nih kha:

Hawh u, thovin i thawk ang u,
Engpawh hmachhawn tura kan thinlung inpeihin;
Hmatiam hlen chung leh hmasawn zel chungin,
Thawk zel chungin i nghak ang u.

I lo thlir ang- The Case for Optimism

Bill Gates-a pawn a ti.

The world is better than it's ever been, but I'm struck by how few people know this. Read why: http://t.co/nia17qqjWj pic.twitter.com/8f4aHfDPdU

— Bill Gates (@BillGates) January 22, 2014

Tlawmngaihna hi kan pi leh pute hun atanga kan pianpui ni berin a lang a , a hming pawh hi a mawi in ram hrang hrang tawng pawh hian phochhuak zo tak thumal pakhat hi a awm lo tih em em chu sawisual a hlauhawm. He tlawmngaihna hi Pathian zawnchhuah ram kan ni e tih nen pawh hian a inmil na lai riau neiin ka hre ve a,Lungbul thingbul kan biak hma khan tlawmngaihna hi kan thlahtu te zingah khan a lo cheng tawh a,Sap Pathian thuhril tu te rawn kal khan Pathian a awm thu leh a chhandamna chungchang min hrilh bak kha thuthar vak a awm ka ring lo.Kan nundan leh kan chezia kha a mawi sa em em a ni.Ramvah leh indo lam te chu dahtha ila.Bible thu hre ngailo hnamah chuan Mizo te hi Bible a inziak zawm tam ber pawl kan ni maithei.

Hun te a lo in her danglama lohtheihlohna vanga tlawmngaihna lo danglam ve zel a ngai ta a, tun ang laiah chuan zualko kal te kha thil tul lo leh hun heh a ni zo ta a, mitthi an awma zualko in tirh talh chu a tangkai tawh kher lo maithei 2014 ah hian. Kan tlawmngai ta lo e, tlawmngaihna thangthar ten ka tlachham e kan tih talh chuan tlawh ngailoh sahuan a ramsa te ang mai kan ni dawn a sin. Khawhar in riak te kan inhmu zo ta lo lek lek a hruaitute lu a hai tan, hmanah chuan tute pawh riah theih turah kan ngaia mahse tunah erawh mitthi in awmna atanga hla vaklo te riahna turah kan ngai tan chho mek zel, tlangvel kher an nitur a ni tih dan a awm lo a, kan vaia riah theih tih kan hriatlem takah chuan mitthi in bula hnaia mite harh thar teh ang u.

Tlawmngaihna lo dal leh zualtur leh khawtlang nun vawng him turin YMA a lo ding ta heichiah hi a ni tam takin Pathian rawngbawlna lam nena tehkhin thin chu YMA hi rawngbawlna nena tehkhin chi nilo in rawngbawlna ram zauhna tur zawk ani tih hre thelh kan tam ta. Rawngbawltu in ti hmeithai leh chhumchia te biak leh tanpui dil ngam loh hi a dik tawk lo hle a, khawtlang hruaitu in ti rawngbawlna lam ngaihsak lek lo chu a tlu sual der a ni. Khawtlang hi Pathian tello a enkawl chi a nilo, a kalsual palh chuan a pawi thei hle. Tlawmngaihna hi YMA ta a nilo a Mizo ta a ni.Mi tamtakin yma chu tlawngai tura an ngai hi a fuh lo a. YMA angin tlawmngaihna hi ti vul lo in tlawmngaihna in yma leh kohhran ti vul zawk ang u. Tlawmngaihna hlu hi a kristiana YMA ta nilo in mitin ta a ni zawk .A sei ta hle an ti ang ka kum rualpuiten tawk mai teh se..

Eizawnna hrang hrang te a vangin kan chanvo a inang lo thei hle angin ka ei zawnna a ka chanvo eng emaw zah zingah hnathawhna a hak tur Industrial Protective Clothe ( kekawr leh kawr) thuamhnaw kan dawng thin. Tunah kan dawng leh ta. Hei hian ngaihtuahna thui tak min siamsakin hun kal tawha School Uniform a thlawn a kan dawn lai te min ngaihtuah chhuah tirin lung a lengin hnuk hlui te pawh a ti ulh leh dawn dawn a lawm le.

Ni e, Kum 1982 vel kha ni tain ka hria, kan school kalna a zirlai naupang zawng zawng te kha School uniform set 1 theuh kha min dawn tir a. Mahse keini unau khan set 2 kan dawng ve ve a. A hun lai khan ngaihtuah chian nachang pawh kan hre lem lova thil nihphung pang ngai a nilo tih leh mi te aia dawng tam tur kan ni tih kha kan hotute ah khan a chiang a ni chek ang.

Tin, mi dang in set 2 an dawn ve an awn em tih pawh ka hre zui chuang law. Ka hriat chian em em erawh chu school uniform set 2 kan dawn nachhan kha midang te aia kan harst vang leh retheih bik vang a ni tih kha a ni. Vawiin hian Uniform tho a set 2 kan dawn leh takah chuan ngaihtuahnaah khang hun lai kha a lo thar leh a, fam chang ta ka nau Dingpuii nen khan retheih bik vangin School Uniform kha a double khan kan  dawng kha a nia. Vawii chuan retheih bik vang emaw hausak vang emaw nilovin Uniform a double in kan dawng leh a ni.

Google chuan Orkut chu September ni 30 ah a khar dawn. Tam tak chuan Orkut a awm tih pawh kan theihnghilh tawh ang chu. Orkut hriatreng nan mahni awm hmun ah minute khat ngawi rengin hun I hmang ang u

Ten years ago, Orkut was Google’s first foray into social networking. Built as a “20 percent” project, Orkut communities started conversations, and forged connections, that had never existed before. Orkut helped shape life online before people really knew what “social networking” was.

Over the past decade, YouTube, Blogger and Google+ have taken off, with communities springing up in every corner of the world. Because the growth of these communities has outpaced Orkut’s growth, we’ve decided to bid Orkut farewell (or, tchau). We’ll be focusing our energy and resources on making these other social platforms as amazing as possible for everyone who uses them.

We will shut down Orkut on September 30, 2014. Until then, there will be no impact on current Orkut users, to give the community time to manage the transition. People can export their profile data, community posts and photos using Google Takeout (available until September 2016). Starting today, it will not be possible to create a new Orkut account.

-Orkut Blog

Hlimlai nite an her liam a,
Hnutiangah nunhlui an chang a,
Hmatiang panin ka hawi kir a,
Hnutiang ngaiin ka rum fova,
Samang then hnu ngaia dawn in,
Sirtiang sawna nunhlui thlirin,
Suihlungruala hlimni thlirin,

Suihlung lenga rauthla vaiin,
Ka tap ruai e nunhlui ngaiin,
Kir rello tur koh kir tumin,
Khuanu duan lawk hai ang derin,
Kir tir ka rel suihlungmawlin,
A na asin nunhlui ngaih hi,
A mak asin di zûn phurh hi,
A har asin lunglen tuar hi,
A liam silo zunleng zam hi.
Chham ang zala nunhlui dawnin,
Chhingkhual tuantul lamtluang zawhin,
Chhingmit lêna thlir vel ruaiin
Chhaithar lengi darang tawngin,
Insi rialin biahthu ka hlan,
I tan tiin thinlung ka hlan,
Inthen lo tur tiamthu ka hlan
Intawng leh an thutin kan hlan,
Rairah nunkhua dawn lo rengin,
Rinawmna par ang chuai tirin,
Rún kai lengdang belh zai relin,
Riakmaw ianga min vaih tirin,
Engan thadang ka lo tawn che,
Engan nangkher ka lo tawn che,
Engan phuloh ka lo tawn che,
Engan lengler ka lo tawn che,
Muangten zanmu ka chhin lai a,
Muangten hringnun ka hman lai a
Min der mai hi ka hlim lai a,
Min hnawl mai hi ka rian nân a,
Zûnleng azâm ka thinlaiah,
Zûn ngaih ka phur ka hringnunah,
Zanrei ka chhiar kan rûn daiah,
Zal mai ahar ka laikhumah,
Ka thlah nang che i hlim nan chuan,
Ka dem lawng che i lawm nan chuan,
Ka riang nang e i vul nan chuan,
Ka kiang nang e i hlim nan chuan.

Tlawng track I lo sawm ang…

Kalna tur dang i hriat loh chuan
Kal lo mai rawh
Awm mai mai rawh

Lunglei.. leh Buarpui ah te
Silpauling an… lo zar ang

 He thu hi ka thian pa in nuihsawh deuh a min hrilh nimahseng a tumna ropui zia leh hlawhtlinna avang hian chhuanawm ka tih a vangin kan post ve a ni e.

Kum 35 liam ta khan Sihphir khuaah chuan naute duhawm tak rit nulh mai hi a piang a. Naute chak leh chum ve tak a ni a. Nimahsela a sawngnawi deuh hlek thung a. Bawkvak lovin mawngtawlh erawh a chak hle thung a.

A rualpuite kawtlai a an len theih tawh hnuah pawh a ni chu kawng ka vuan in a ding ve tawk tawk theih chauh a.

A pa chuan kal thei turah a ngai lova. Kal zirna kalchhet te a siam sak a kum 5 lai a lo ni ve tawh bawk nen. Kal ngei tumin chu kalchhet te chu hmang chuan kal an zir a tlu bawk khup te chu an tap deuh fap thin a. A tum ruhna avang chuan a kal ve thei ta ngei mai a.

A lo tlangval ve meuh chuan thiante aimahin a chakin thil a ti thei zawk ta mah mai a. A khawr tih mai lo chu.

Amah hi kohran mi leh zuk leh hmuam ruitheih thil lak ah hian a fihlim fam kim a ni.

Mi tumruh tak leh a tum ber chu sakhua rawngbawltu missonary nih a ni a vairam lam ah pawh Bible sikul pawh hmun hnih lai ah a zir tawh a, tin India ram pawn kal hi a tum lian ber a ni a. Chu lohah chuan Presbyterian dan khatna a nupui neih leh London hmu ve hrim hrim te a tum a ni.

A pa sawi dan chuan Canada kal dan an hria a . Nimahseng Rs nuai 3 bawr a ngaih a vang in an tlin ta lova. Chung lai chuan a ni fapa te zarah foreign kal dan awlsam tak a awm avangin a ni te chu a bel ta a. Kal mai turin a insiam ve ta a . Henglai hian nula duh deuh mai a nei a nula erawh chuan a duh lo hle thung a ni awm e.

Rampawn chu a kal ta ngei mai a. A in tuak a ral atang chuan a chhas chu an bem tak tak mai chu a a hmin chiang hle awm e.

Kum 3 a liam meuh chuan a dam chhunga a thil tum a la tih loh 2 ti  kawp turin an khua hawngturina insiam ta a.

Hlim takin a in a chhuak a Airport-ah chuan a va kal a. Duty te chuan a ID etc an lo en a . Sipai I la tang si lova Recuiting office atangin NOC rawn lak a ngai an ti a.cAn kir tir ta a.

A tukah chuan NOC nen chuan Airport ah chuan a kal  ,a tum ang chuan a thlawk chhuak ve ta ngei mai a. A dam chhunga a hmuh chak em em leh kal a duhna ber ah chuan a tum ta chut mai le.

London airport Heathrow ah chuan a tum ta . Immigration ti turin a in tlar a air ticket an en London to Delhi , Delhi to London to Tel  Aviv . Mak tehnuai ve an ti a an han zawhfiah dawn a English in an bia a thiam si lo. A passport an en sak a Israeli passport a hmel ah khaw chhak mi a ni si . Hebrai tawng thiam an ko va. Hebrai tawngin an biak lah chuan buai tulh tulh mai si a.

E ti hian awm phawt seng a lo kalna lam ah thawn hawng le hang an ti a ni chek ang chu. A tuk ah chuan Tel Aviv ah an thawn hawng leh ta a.

A tuk leh ah chuan ticket la leh in Tel Aviv to Mumbay.  Tichuan Mizoram lam chu thleng in ropui takin a bialnu ral khat atang a a rim thluk nen chuan Sihphir Venglai Presbyterian Biakin ah ngei mai chuan tiam tlat e an ti ta a.

Amah hi mi insum thei tak a ni a, hnathawh lam ah chuan butu ve tak a ni awm e.

A thawhpui ten an sawi dan chuan, a ke ding lam bul a hmanrua awm te hi min han pe teh ti i lang a veilam ah inher kualin dinglamah inher chhuakin mi a pe te te thin e an ti.

Misual.com hi tha tak a ni!! He site hi ka hmelhriatna a rei ve tawh khawp mai, silent reader  active tak ka ni tih pawh ziahlan loh ka duh bik lo. Hmasawnna tam tawk he site atanga ka chhar hi ti ila ka sawi sual tamin ka ring lo. Tin,Mite thatna duh mi tih takah la hmelhriat lo te he site hi visit ve fo turin ka hrilhhriat ve  thin. Chutiang chuan a ruk tein misual.com tan hian contribution ka nei ve reng a nic(ka in sawi thei pawh a an hi le!). Tun hi thu  vawi 1 ka  postna tur a ni a, chhiar a hahthlakin thu a in saikalh nuai mai thei, mahse lawmthu sawi ka tum a ni tih chu min hriatsak tho ka ring.

Awle, ka sawi tum tak chu, thu ziak tha tak tak te hi news paper a chhuah turin ka ru chhuak ta fo mai a. A thenah a ziaktu hming dah ka nei a,ca thenah erawh ka dah lemlo acchhanchu Internet name Vaiva adt ang te hi chu rem chiah lo a ka hriat vang a ni. Tin, a hminga kohhran/kohhran khawtlanga in hman ve takah chuan thusawi tur lakna atan ka source berah  pawh misual.com  hi ka hmang thin a ni. Keimah chauh lo pawh hi midang pawh an awm ve teuhin ka ring. Chutiang chuan tangkaipui fe fe hi kan tam viau ang. He site hi hun lo la kal turah pawh min puihtu atan in thuziak tha tak tak hi ka la hmang fo dawn a, in mi hriatthiamna pawh ka rawn dil nghal bawk a ni. Rukru ka la ni fo dawn a, ka bansan thei tawh lo All Habit Die Hard an tih kha maw!

luahpuia, kan lawm lutuk e. Rawn ti zel rawh. Mahse thu post tu thenkhat hian vengchhung chanchinbu a ni emaw etc. , printed media a han lan hi nuam ti lo te an awm ve thin a. Kan ngaihdan phei chu a in ang vek lo mahse in zahtawn hi a tha e. Tun hma phei chuan complain  pawh kan dawng zeuh zeuh. Chuvang chuan comment hmangin emaw an remtihna dil theih ngei ni se, a tha ngawt ang.

Nitish Kumar Bihar CM a nih tirh khan a hma zawnga rorelna lo thawk tawh Lalu Prasad tih ngai loh a rawn ti a, chu chu thil dang zawng aiin an state a kawng a tha thei ang ber siam leh kawng tha tak siam a ni. Kum a han liama nipui a liama, fur in a han thlasik a rawn vawta, chutiang anga hun a hna kal chhoh zel chuan chhiarpui a awm leh meuh chuan Bihar chu India ram state zinga hmasawn chak berah a hlangkai nawlh mai. Thil dang tak tak chu he hmasawnna khalh kal tu zingah hian a awm ngei ang mahse kawng ngai pawimawh kawng tha tak siam lama hma a lakna hi a kawng bul pui ber pakhat chu a ni ngei ang-dawt a ni a rinawm lem loh bawk. Hetiang hi state danga an tih dan a ni. Keini lam hi engtin?

Keini lamah chuan hmanni lawkah te pawh khaw pakhat chu Pa ho in an khua a lut tur buhfai phur chu kawng chhiat luat tuk avangin a lut thei lo a ni a pawhin an pawt thleng tawp mai a. Tun ang fur hunlai phei hi chuan khaw thenkhat khaw kar kawng chu tui hawk avang leh chhan eng eng e maw hrang hrang avangin kal theih lohin a awm leh ngei ang.

Kawng tha hi hmasawnna tur atana a bulpui ber pakhat a ni tih chu tu pawhin kan hria mahse a siam that lam leh a tih changtlun lam hi kan ram hruaitute hian an hlau tlat emaw tih mai tur a ni. An tuallenna chin a that chuan an lungawi viau ni te in a lang bawk. Ram aia mahni in leh lo leh thil dangte siam hmasawn hmasak ngai pawimawh tu ram hruaitu tan phei chuan khawi maw khaw kilkhawr lai ve takte kawngte chu campaign lai lo chuan ngaih pawimawh te pawh a harsa mai thei bawk.

Thawkkhat lai khan kan district council pakhat chuan direct funding kha an sawi ri deuh a. Social media sawikhawmna atang chuan helh tak tak an tam hle in a lang. He kan district council panna kawng hi tha lem lo tak a ni a, amah hnaih bertu district atang hian KM 80 vel a hla chauh a ni a, mahse chu pawh chu darkar 5 lai te kal a ngai thin, kawng chhiat luattuk avangin.  He kawng hi mihring ni ta se chuan..

La ziah zawhloh chu niin a lang. Mahse nikum lam atanga draft a awm tawh a nia, kan rawn post mai

Mahni State Sawrkar nita chu kan sawisel ve thei in ka ring.

Mizo te hi a tlangpui in kan zawldawh a, sawrkar hna chungchangah pawh kan ngawi kual ve mai mai in ka hria. Mizoram-ah chuan hna chu thawk lo mah ila, Mizoram lam a thawh dan tur ngaihtuah in hun rei ve tawh tak atangin ka bei ve tawh a, chutiang bawk chuan mi dang Mizoram lam a tawk lo te pawn in an tih ve tho pawh ka ring. MZU, MPSC, leh a dang te pawh ka rawn apply nual thin a, mahse ka hna dilna apiang atang thu mumal lo tak a hnawl ka ni fo mai a, RTI lam te pawh in ka tihpui ve tawh bawk a, mahse ka la hlawhtling chuang lo. Hemi ka rawn ziah lan duh kher na chhan chu, Mizoram sawrkar kan puh ngawt hi a dik em? Nge Officer thenkhat te hi kan puh dawn? Mi tam tak in application lak nan leh Speed Post ilo ah sum tam tak an sen ral ve tawh tho ka ring a, chu mai piah lamah chuan Qualification leh Required Experience an tarlan an tih danglam leh hnuhnawh thin hi dik in in hre ve em?

Hna zawng mek te tan a hriat reng tur a ka ngaih te ka rawn tarlang ve teh ang (Mizoram bikah).

1. No Money, No Backup : No Jobs
2. Govt. Jobs: No Chance (Mostly)
3. Qualification: Does not Matter

Ka BAD Experience:

1. MZU (Computer Programmer): Nikum (2013) thil daih tawh a ni a, kum 2012 khan Computer Programmer Post advertised a ni a, Qualification ah B.Tech/MCA or equivalent an duh a, Experience kha 2 Years in relevant. Qualification pawh an duh ang chiah ka nei a, experience pawh 5 years then thawn ka nei tawh bawk a, mahse eng mah min rawn hriattir hma in a Post Exam Result an website ah an publish hmiah a, RTI in ka han zawt fiah ve e ka ti a, chhuanlam te nawi tak in min rawn chhang let a, Post Qualification Experience Kum 2 tal neih a ngai an rawn ti a, tichuan fiah tak in ka Post Master Degree Experience te leh a dang te poh ka han thaw chho a, mahse chhuanlam dang an siam leh zel a, vawi 3 lai ka chhan let hnuah tih hian min rawn chhang let a “The University has the right to reject the candidate on any condition and you are treated as non-eligible candidate”, mahse a chhan an rawn tarlang duh chuang lo. Ka beidawng in ka chhang let peih tawh lo a, tun thleng in an Official website ah Computer Programmer post chu tu in nge hmu ta a, eng tikah nge personal interview te an conduct pawh an tarlang duh miah lo.
2. MPSC (Network Administrator / System Analyst / System Engineer): 20 September 2013 kha last date chu a ni a. Ni 30 June 2014 kha Rejection Letter ka hmu a, letter ah chuan Qualification Serial No.3 (5 Years Experience in Govt) kha ka fulfill loh thu min rawn hrilh a. Ni 1 July 2014 khan MPSC chu ka phone a, eng vang a reject nge ka nih tih ka zawt a, (Candidate zawng zawng deuh thaw reject an ni a), tichuan Central Government ah 5 and half years experience ka neih thu (as on last date of the application) ka hrilh a, tichuan ti hian min chhang let, “Mizoram Government hnuai ah khang Post ang chiah kha kum nga i thawh a ngai…!”. Central govt a Officer post contract a ka thawh hian an experience duh a phu hruk lo nge, tu emaw tan POST an khelkhaw le aw?
3. Etc, etc: Hna sang deuh leh sang vak lo dang tam tak poh sawrkar ah chuan ka apply nual a, mahse beisei bo tak in min hnawl hmak hmak zel.

Mi ram ah kan thawk a, selection ah an fair lo kan tih teh hian mizoram a recruiment selection chu a khum lo kher mai.

Free Corrution – Mizoram, 100% Kristian ram – Mizoram, a dik leh dik lo ka va hre duh ve…..??

1. AIMUOL

2. BIETE
Betlu, Chongol/ Chungngol, Darnei, Fatlei, Hmunhring, Khurbi( Lienate ), Nampui, Ngaite, Ngamlai, Puilo, Sawnlien, Tamlo, Tamte, Thienglai, Tlungngurh

3. CHANGSAN
Armei, Chailong/ Chaileng, Hranhnieng, Hrawte, Kellu, Ngawithuom, Ngulthuom, Thangngen, Zilchung, Zilhmang

4. CHAWROI
Langkai, Nisatarai, Saithuoi, Tuipai

5. CHAWTHE
Chamte, Chawndang, Chawnfieng, Chawnthik, Halte, Hawnsang/ Hawnzawng, Lienhna, Suonhoi, Tamva, Thaman

6. CHAWTHEI (HMARLUSEI)
Chonzik, Hnechawng, Lamthik, Luophul, Neichir

7. CHIRU

8. DARLONG
Biete ( Fatlei, Faihriem, Khawhren,Saihmar, Saihriem) , Hrangchal ( Khuolte , Rante , Tlawmte ), Ngurte( Rante , Songate , Fatlei ), Thiek ( Chongkal, Hmante, Hnamte, Kangbur, Vankal) , Zote ( Chawrawl, Chonnel, Saite, Sie)

9. DARNGAWN
Banzang ( Chawnghmunte , Famhoite, Fatlei, Khamchangte, Lamchangte, Sanate, Sinate) , Faiheng, Pakhuong ( Buongpui , Hranngul, Khelte, Khuongpui ), Ruolngul, Shakum ( Hauhmawng, Hauhnieng, Kilong), Shonte, Tlau

10. FAIHRIEM
Bapui, Dulien/Khawhrang/ Khawhreng, Khawkhieng, Khawlum, Khawral, Saihmar, Saivate, Seiling, Sekong, Thlanghnung, Tuimuol, Tuollai, Tusing

11. HRANGATE
Hrangate, Hrangdo, Hrangman, Hrangsute

12. HRANGKHAWL
Chawlkha, Dumkher, Penate/ Penatu, Phuoitawng

13. KHAWBUNG
Bunglung, Fente, Laising, Muolphei, Pangamte, Pazamte, Phunte ( Siersak,Siertlang ), Riengsete, Tente

14. KHELTE
Hmaimawk, Lutmang, Singhlu, Sierchuong, Thatsing, Vankeu, Vohang, Vohlu, Zahlei, Zaucha

15. KHIENGTE
Chawngte, Khello, Khupsung, Khupthang, Kumsang, Muolvum, Singbel

16. KHUOLHRING
Chunthang, Khintung, Leidir, Lozum, Lungen/ Lungsen, Midang, Milai, Peiltel, Rawlsim, Suokling, Thlaute

17. KOM

18. LAMKANG

19. LANGRAWNG
Bawng, Kaipeng, Muolthuom, Pang

20. LAWITLANG
Chawnsim, Hrangchal ( Darasung , Laiasung,Sielasung, Tungte ), Parate, Sungate, Suomte, Tlangte,Tlawmte, Varte

21. LEIRI
Neingaite, Pudaite, Puhnuongte, Pulamte, Puruolte, Tlandar

22. LUNGTAU
Infimate, Intoate, Keivom, Lungchuong ( Inbuon ), Mihriemate, Nungate, Pakhumate( Khumthur, Khumsen ), Pasuolate,Sielhnam, Songate, Sunate, Theisiekate, Thlawngate, Tamhrang

23. NEITHAM (Also Under Zote)
Chawnhning/ Chawnhring, Khawthang, Maubuk, Singphun, Thangleh, Thangngawk, Vaithang

24. NGENTE
Bawlte, Chawnghawi, Dosak, Dothang/ Dothlang, Kawngte, Laihring, Lailo, Laitui, Tuolngul/ Tuolngun, Zawngte, Zawhte

25. NGURTE
Bangran/ Bangrang, Chiluon, Parate, Saingur, Sanate ( Pusingathla , Saidangathla ), Traite, Zawllien

26. PAUTU
Fuongzal, Senlawn, Singate, Tluongate

27. RAWITE
Aite, Arro, Buite, Hnungte, Pieltu, Sawrte, Seldo/ Sehdue

28. SAKECHEP (SAKECHEK)
Bawmlien, Keiphun, Keiphung, Khawlum, Neibawm, Sungtinpha,Telengsing, Thingphun, Thirau/ Thirsu, Vaichei/ Vaichai, Zeite

29. THIEK
Amaw ( Chalhril, Hmunhring ), Athu, Buhril, Chawnnel, Hekte ( Chawnghekte, Ralsun ), Hmante, Hnamte, Kellaite, Khawzawl ( Lalun, Laldau, Saibung ), Kungate, Khangbur, Pakhuomate ( Khumsen, Khumthur ), Sellate, Tamte, Thilhran, Thilsawng, Thluchung, Tuolte, Tuolawr, Tamlo, Taite, Vankal ( Khawbuol , Pangote , Pangulte ), Zate

30. VANGSIE
Dosil, Ivang,Theidu/ Theiduha, Tlukte, Vanghawi, Zapte

31. ZOTE
Buonsuong, Chawnghau, Chawngvawrtu/ Chawngvar, Chuonkhup, Chawngtuol, Darkhawlai/ Darkhawlal, Dawthang, Hrangate/ Hrangzote,Hrangdo, Hrangman, Hrangsite/ Hrangsete, Hrangsote, Hriler, Maubuok, Neitham ( Chawnhnieng, Singphun) , Ngaite, Parate, Pasuolate, Pusiete/ Pusieate, Saiate (Saihmang), Tlangte/ Tlangate, Thangnawk, Vaithang

Auld Lang Syne Hla thluk hmanga Zaipawl(Mizo) in an sak kha eng Zaipawl nge ni, min hrilh thei in awm em?

Rawn submit-na chu rei tawh viau mahse, hria kan awm mial takin

Tawp chin nei lo, hlimna thamral thei lo chu kan zawng a,

A leihlawn a lawn ve lo nih chu kan thil hlauh ber a ni,

Kan tlan tanna chu kan tlan tawpna a ni leh tho thin.

Tlan chak ber leh tlan muang ber an tawpna a in ang thin.

Lawmman dawn tur chu a tlan a te rinna a innghat a ni.

Hrehawmnaah lawmnna chharin,

Lungngaihna ah lawm avangin nui thei thin ni I la,

Ka lu atan hian lallukhum dang reng ka phut lul lo ang.

Ka hnungtawlhna hi ka hmasawnna, ka tlukna ka ngheh zualna,

Tihtluka ka awmna hneh theih loh nun min neih tir tu ah chang se,

Ka tan hian par thi dang reng a ngai tawh ngai lo ang.

Damlai thlipui, zothlifim ianga nun ti harha ti thartu,

Suar  chhia leh kawng chhuk chho zawng pawh,

Petek theih lohna tluk a kawng mam leh tha a a chan chuan,

Chawimawina, a hming atana  Ropuina an sak hi,

Ka dil lo ang, hnawmhneah mai ka ngai zawk ang.

Hlimna siam chawp, man nei a lei ngai zawngte pawh.

Thiltihtheihna, a sakhming Tangka an hman tawh chuan

Thalmunanna leh muanna ram, ralmuan lohnaah a chang a,

Unau leh thisen in zawmte hmelma hlauhawm berah insiamin;

Beram pawisawi lo sihal leh ramsa dangin an seh tawh thin.

Inchibaina chu thinrimna avangin kut humruhna in a thlak a,

Inremnaah in hauhna leh in chaltauhna in ro a rel a,

Inthianthatnaa in kuahna chu insual tumna in a thlak  a,

Keh thei tih keh a ni a, rawng taka chetna a zalen thin.

Indona , innghirnghona, in taina te rorelna chu thisen a ni.

Mawi ber chuan a thiltihtheihna a hloh a,

Mawi lo ber leh a chhe ber in lalram a kham thin.

Lei theih khawvel rorelna ata zalenna chu khawnge?

Hmasawnna lei dawh a ni a, changkanna hruihrual siam a ni

Nun tihawlsamna hmachhuana chhandamna chan tumin,

Hmaithinghawng tinreng pawh ni eng zah zo lo a vuahin,

Talchhuahna atana hman theih a nih tawh phawt chuan.

Mahse ro a rel tirh ata tu nge tlansana, a kulhbang zuankhum ta?

Tlansan a hnehin a sal leh bawih a tang an pung zel zawk si.

Click here to view the embedded video.